Roots Lyrics In Hindi – Bintu Pabra | Haryanvi 2022

घाबरू जवान शौकीं खाण और पीण के
बुग्गियां पै लादै रै बरोटे बरसीन के
मंद मंद चालै घी सा घालदा बलद अरै
न्यारे सै नजारे लाइफ गामा आली जिण के

देख लिए जन्नत का टच फील होवै
अरै झूठ कोनी बोलूं जमा सच फील होवै
खेतां आली नालियां मै पैर तू डुबोकै
अरै चूसिये रै गंडे कती गच फील होवै

पर नाक ना चढ़ाइए कदे भी
देसियां मै कमी देख कै
तेरे शहर की सड़क भूल जा
गामा आली गमी देख कै
भूत पब्जी का उतरै तेरा
बैठक मै रमी देख कै
तेरा शहरी हिप हॉप भूल जा
महफ़िल या जमी देख कै

घर मै भी बात चालै खेत और क्यार की
सबतै अलग सुण हॉबी तेरे यार की
एक बार गामा मै जै मार ज्येगी गेड़ा
अरै रास कोनी आवेगी या हवा तनै बाहर की

दिल देखे जांदे कोनी भूरे चाम पै
अड़े बालका नै जाणे सै बाबू के नाम पै
हो बुढयां की इज्जत ये दिल तै करै
बड़े राज्जी होकै जावै दादी गोरी धाम पै

उठ कै सवेरै म्हारी दादी माला फेरै
अरै बढे काम होज्या कहवै एक बार ले रै
हो दुधियां की गेल्या रोज माचै सै लड़ाई
कहवै आज काल दूध मै तू पाणी घणा घेरै

चुबारा पै तू देश के फ्लैग देखिये
पोते धरै चिलम मै आग देखिये
ओहो कुड़ते पजामे के मह छैल गाबरू
धोती कुड़ता मै दादा का स्वैग देखिये

सारी तनै देउंगा मै गामा की डिटेल
रोटी बाजरे की खाइए कती गच टिंडी गेल
हो बीड़िया के टोचन मै होते रै दिखाऊ
और देखिये बिटोड़े पै को घिया आली बेल

हो लागै सै स्कूलां तै रै बंक आज भी
सांप मारै ना किसाना कै रै डंक आज भी
हो सच्चे साधू बैठे म्हारे खेड़े और खाड़यां मै
मन्दिरा मै बाजै मीठे शंख आज भी

तेरा पक्का मुंह मै पाणी आवैगा
सरसों का साग देख कै
बड़े बड़े रै त्यौहार भुल्ज्या
होली और फाग देख कै

याद हीटरां की आवै ना तनै
हारया के मह आग देख कै
बीट घडवे की बाजै गामा मै
रागनी के राग देख कै

तू आकै मरजाणी देखले मरजाणी देखले
अरै सोच बदल ज्यागी तेरी
ट्यूबला का पाणी देखले मखा पाणी देखले
अरै भूल ज्यागी तेरी बिसलेरी
तू ट्यूबला का पाणी देखले

हो बाछे काढै बुग्गी आले टायरा की मरोड़
हो गामा आले काढै तेरे शहरा की मरोड़
हो इब आली कनका मै गंठी बनवादयू
तेरी झांझरां नै काढनी सै पैरा की मरोड़

सरसों कनक और जीरी देखिये
म्हारे भाईया तै भी बढ़के सै शिरी देखिये
कुछ पंछी उड़ देख खुले आसमान मै
और जोहड़ मै तू बुगले टटीरी देखिये

तनै जीन का क्रेज चाउमीन का क्रेज़
अरै इन सारी चीज़ा तै है यारा नै पहरेज़
तेरा धोला रंगरूप तनै आछे लागै सूप
हम चाय के शौकीन जीमै पत्ती रहवै तेज़

अड़े 25 25 लाख आली झोटी मिलन्गी
घाम मै रै रेत के म्हा लोटी मिलन्गी
गाम मै जै कोए बन्दा आवै अनजाण
उरै होका पाणी प्यार तै रै रोटी मिलन्गी

भोले के भगत बोलै बम बम लहरी
अरै खुले कती दिल के कंडूल और खेरी
ठाठी बन्दे मिलंगे फरीदपुर मै
और पाबडा किनाला लागै प्यार की कचहरी

रै तू जीभ की चटोरी हो ज्यागी
बूंदा मै सुहाली देख कै
रै तू कांडा मै भी हाथ घाल दे
झाड़ी बेरा आली देख कै

रै तू फोटो खिंच खिंच गेरगी
खेता मै पराली देख कै
मजा केपी बिन्टू आले गीता की
खुशबू निराली देख कै

Roots Lyrics by Bintu Pabra 

Roots Song Lyrics In English

Gabru jawan shauki khan or peen ke
Buggiya pe laade re barotte barseen ke
Mand mand chaale ghee sa ghalda balad ar
Nyaare se nazaare life gaama aali jin ke

Dekh liye jannat ka touch feel hove
Are jhuth koni bolu jma sach feel hove
Kheta aali naliya me par tu duboke
Are chusiye re gande katti gach feel hove

Per naak na chadaiye kade bhi
Desiya me kami dekh ke
Tere shahar ki sadak bhul ja
Gaama aali gami dekh ke
Bhut pubg ka utre tera
Baithak me rummy dekh ke
Tera shahari hip hop bhul ja
Mahfeel ya jami dekh ke

Ghar me bhi baat chaale khet or kyar ki
Sabte alag sun hobby tere yaar ki
Ek baar gaama me je maar jyegi geda
Are raas koni aavegi ya hawa tane bahar ki

Dil dekhe jaande koni bhure chaam pe
Ade balka ne jaane se babu ke naam pe
Ho budhya ki ijjat ye dil te kre
Bade rajji hoke jaave dadi gori dhaam pe

Uth ke savere mhari dadi mala fere
Arey badhe kaam hojya kahve ek baar le re
Ho dudhiyaa ki gelya roj maache se ladai
Kahwe aaj kal dudh me tu paani ghna gere

Chubara pe tu desh ke flag dekhiye
Pote dhare chilam me aag dekhiye
Oho kudte pajame ke me chhail gabru
Dhoti kudta me dada ka swag dekhiye

Saari tane deunga me gaama ki detail
Roti bajre ki khaiye katti gach tindi gal
Ho bidiya ke tochan me hote re dikhau
Or dekhiye bitode pe ko ghiya aali bel
Ho laage se schoola te re bunk aal bhi
Saanp maare na kisana ke re dank aaj bhi
Ho sachhe sadhu bethe mhare khede or khadya me
Mandira me baaje mithe sankh aaj bhi

Tera pakka muh me paani aavga
Sarso ka saag dekh ke
Bade bade re tyohaar bhuljya
Holi or faag dekh ke

Yaad heatara ki aave na tane
Harya ke mah aag dekh ke
Beat ghadve ki baaje gaama me
Raagni ke raag dekh ke

Tu aake marjaani dekhle marjaani dekhle
Are soch badal jyagi teri
Tyubala ka paani dekhle mkha paani dekhle
Are bhul jyagi teri bisleri
Tu tyubala ka paani dekhle

Ho bachhe kadhe buggi aale tayra ki marod
Ho gaama aale kadhe tere shahara ki marod
Ho eb kanakaa me ganthi banvadyu
Teri jhanjhra ne kaadhni se paraa ki marod

Sarso kanak or ziri dekhiye
Mhare bhaiya te bhi badhke se shiri dekhiye
Kuchh panchhi ude dekh khule aasman me
Or johad me tu bugle tatiri dekhiye

Tane jean ka craze chaumeen ka craze
Are in saari cheeza te hai yaara ne pahrez
Tera dhola rangroop tane aachhe laage soop
Hum chai ke shaukeen jime patti rahve tez

Ade 25 25 lakh aali jhotti milengi
Ghaam me re ret ke mha lotti milengi
Gaam me je koye banda aave anjaan
Ure hooka paani pyar te re roti milengi

Bhole ke bhagat bole bum bum lahari
Are khule katti dil ke kundal or kheri
Thathi bande milenge faridpur me
Aur pabra kinala laage pyar ki kachahari

Re tu jheeb ki chatori ho jyagi
Boonda me suhaali dekh ke
Re tu kaanda me bhi hath ghaal de
Jhaadi bera aali dekh ke

Re tu photo khinch khinch geregi
Kheta me paraali dekh ke
Mazza KP Bintu aale geeta ki
Khushboo niraali dekh ke